Plantun de Prouvènço

Pèr coumpara dos planto d'encò nostre

Hypecoum pendulum & Rhamnus pumila

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Nasprun(-nanet)

Rhamnus pumila

Rhamnaceae

Nom en français : Nerprun nain.

Descripcioun :
Aquéu nasprun nanet trachis sus li roucas d'auto mountagno ounte s'arrapo. Se recounèis à soun port, de segur, e peréu à si fueio qu'an de 5 à 10 costo que se vèson bèn. Fai de pichòti flour verdo, di quatro petalo, que se vèson pas gaire. Lou fru (5 à 8 mm) èi rouge e pièi negre.

Usanço :
Coume tóuti li nasprun, es uno planto empouisounanto que fai raca e douno la fouiro. Li fru soun, adounc, pas manjadis.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Auto mountagno - Roucas
Estànci : Mountagnard à Aupen
Couroulougi : Pancaro entresigna
Ref. sc. : Rhamnus pumila Turra, 1764

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Hypecoum pendulum & Rhamnus pumila

ges

Coumpara Cumin(-pendoulant) emé uno autro planto

Coumpara Nasprun(-nanet) emé uno autro planto